Олимпын аварга тамирчин Брюс Женнер хүйсээ солиулж, эмэгтэй төрхтэйгээр “Vanity Fair” сэтгүүлийн долоодугаар сарын дугаарыг чимсэн нь жинхэнэ шуугиан тариад байна. Реалити шоуны од Ким Кардашианы хойд эцэг Брюс нэрээ Кэйтлин Женнер болгон өөрчилж, твиттер хаягаа нээснээс хойш дөрөвхөн цагийн дотор сая гаруй дагагчтай болсон гэнэ. Тодруулбал,  тэрбээр одоо твиттэрт 1.8 сая, инстаграмд 850 мянган дагагчтай болсон байна.

Өдгөө 65 настай Брюс өнгөрсөн дөрөвдүгээр сард трансжендер гэдгээ олон нийтэд зарлаж, хүйсээ солиулах мэс засал хийлгэснээ дуулгасан юм. Түүний энэхүү шийдвэр гэр бүлийнхэн нь, тэр дундаа гурав дахь эхнэр Крис Женнерт маш хүндээр туссан гэж Hollywood Reporter мэдээлжээ.