“Торгоны замын жингийн цуваа” аяллын баг аяллынхаа хоёр дахь өдөр (2026.08.10) Төв аймгийн нутагт орших Хустайн нурууны байгалийн цогцолборт газарт ажиллаж, дэлхийд ховордсон тахийг эх нутагт нь сэргээн нутагшуулсан туршлага, бэлчээрийн зохистой менежмент болон нутгийн иргэдийн оролцоонд тулгуурласан байгаль хамгааллын үйл ажиллагаатай танилцлаа.

Хустайн нурууны байгалийн цогцолборт газрын захиргаанаас оролцогчдод Монгол орны зэрлэг байгальд устаж үгүй болсон том биетэй хөхтөн амьтныг хэрхэн амжилттай буцаан нутагшуулж, тогтвортой өсгөн үржүүлж буй талаар дэлхийд онцгойд тооцогдох туршлагаасаа хуваалцав. Мөн малын хөлөөс чөлөөлж, өнжөөж амраасан тусгай хамгаалалттай талбайг зэргэлдээх талхлагдсан бэлчээртэй харьцуулан үзүүлж, бэлчээрийн даацыг тохируулах нь ургамлын гарц, нягтралд ямар бодит эерэг үр дүнтэй болохыг харуулсан юм.

Үүнээс гадна байгаль хамгааллын ажилд орон нутгийн иргэдийн оролцоог хангах зорилтын хүрээнд Хустай орчмын малчидтай уулзалт хийв. Оролцогчид малчдын үйлдвэрлэсэн цагаан идээ, шимийн архи, халтар арвайн гурил зэрэг уламжлалт бүтээгдэхүүнийг сонирхон, шагайн харвааны соёл, нүүдэлчин ахуйтай ойроос танилцсан юм. Өдрийн төгсгөлд зочид төлөөлөгчид зэрлэг байгальдаа бэлчиж буй тахийн сүргийг алсаас ажиглав.

 Өдрийн төгсгөлд зочид төлөөлөгчид зэрлэг байгальдаа бэлчиж буй тахийн сүргийг алсаас ажиглав. боловсруулан гурил болгодог уламжлалт арга туршлагаа танилцуулав. 

“Торгоны замын жингийн цуваа” аялал нь 2026 оны 8 дугаар сарын 9-өөс 14-ний өдрүүдэд Дундговь, Төв, Өвөрхангай, Архангай, Булган аймгуудын нутгийг дамнан үргэлжилж байна. Аяллын гол зорилго нь уламжлалт мал аж ахуйн арга ухаан, бэлчээрийн тогтвортой ашиглалт, газрын доройтлыг бууруулах, нүүдлийн соёлын өвийг сурталчлах, орон нутгийн сайн туршлагыг олон улсад хуваалцахад оршино.