Үндэсний телевиз
Цагийн хүрд
Найм арваннэг
“Бишкек-2026” бөхийн төрлүүдийн Азийн АШТ-ий чөлөөт бөхийн эмэгтэйчүүдийн төрөлд Монголоос 10 бөх хүч сорьсон. Тэд энэ удаагийн Азийн АШТ-ийг нэг алт, нэг мөнгө, 3 хүрэл, нийт 5 медальтайгаар өндөрлүүлэв. Мөн манай 2 тамирчин 5-р байрт шалгарснаар эмэгтэй бөхчүүд маань багийн дүнгээр хүрэл медаль авсан.
Эмэгтэйчүүдийн багийн дүнгээр Хятад тэргүүлж, Япон удаалсан бол манайх 3-рт эрэмлэгдэв. Харин Монгол Улсын хойно Кыргызстан, Энэтхэг, Узбекистан зэрэг орнууд бичигдсэн.
Манай тамирчдаас 76 кг-ын жинд ОУХМ Э.Даваанасан алтан медаль,57 кг-д ОУХМ Б.Хулан мөнгөн медаль, 55 кг-д О.Ариунзаяа, 62 кг-д МУГТ С.Цэрэнчимэд,68 кг-д ОУХМ Э.Дэлгэрмаа нар хүрэл медаль хүртлээ.
Харин 59 кг-д ОУХМ Х.Болортуяа, 72 кг-ын жинд Э.Одгэрэл нар 5-р байрт шалгарч, бахдам амжилтыг дархалсан юм.
| Монголын эмэгтэй бөхчүүд багийн дүнгээр 3 дугаар байрт шалгарчээ | ||
| Үзсэн: 185 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.