Үндэсний телевиз
Цагийн хүрд
Найм арваннэг
Монгол Улсын Ерөнхий сайд, Монголын шатрын холбооны ерөнхийлөгч Г.Занданшатар шатрын улсын аварга шалгаруулах тэмцээнд оролцох тамирчдыг өнөөдөр хүлээн авч уулзлаа.
Монгол Улсын 2025 оны Шатрын аварга шалгаруулах эрэгтэйчүүдийн 63 дахь, эмэгтэйчүүдийн 55 дахь удаагийн тэмцээн 9-р сарын 3-наас 15-ны өдрүүдэд Баянхонгор аймагт болно.
Тэмцээнд 2024 оны Улсын аварга тамирчид болон 2025 оны Улсын аварга шалгаруулах тэмцээний хагас шигшээ тэмцээнээс шалгарсан тамирчид оролцох юм.
Ерөнхий сайд шинэ хичээлийн жилийн баярын мэндийг шатрын спортын тамирчин сурагчдад хүргэж улсын аварга шалгаруулах тэмцээнд нь амжилт хүслээ.
Мөн Монгол Улсын шатрын эмэгтэйчүүдийн шигшээ баг дэлхийн шилдэг багуудын эгнээнд бичигдэж байгааг Ерөнхий сайд онцлон дурдаад Монгол шатарчид оюуны спортын өндөр амжилтыг олон улсад гаргаж байгаад баяр хүргэв.
| Шатрын спортын тамирчдад Ерөнхий сайд амжилт хүслээ | ||
| Үзсэн: 182 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.