Үндэсний телевиз
Цагийн хүрд
Найм арваннэг
Австрали улс сүүлийн хоёр жилийн хугацаанд хаалттай байсан олон улсын хилээ нээлээ.
Тодруулбал, даваа гарагт Сиднейн нисэх онгоцны буудалд олон зуун Австраличууд нутагтаа буцаж ирж, нулимс асгаруулсан гэр бүлийн уулзалтууд болжээ. Тухайн өдөр олон улсын 50 гаруй нислэг буусан байна. Аялагчид Баруун Австралиас бусад бүх муж руу нэвтрэх боломжтой бөгөөд вакцины гурван тунд хамрагдсан байх шаардлагатай.
Австрали 2019 онд гаднын 9.5 сая орчим жуулчин хүлээн авсан. Тус улсын аялал жуулчлалын сайд “Засгийн газрын энэ шийдвэр аялал жуулчлалын салбарт хүчтэй сэргэлт бий болно гэж найдаж байна” гэжээ.
Тус улсын хатуу арга хэмжээ нь гэр бүлүүдийг уулзах боломжийг хязгаарлаж, бизнесийг боомилсон гэсэн шүүмжлэлийг дагуулж байсан ч халдварын дэгдэлтээс сэргийлж чадсан гэж үзэж байгаа юм.
Австралид ковид-19 тохиолдлын 4900 нас баралт бүртгэгджээ.
| Австрали улс хилээ нээлээ | ||
| Үзсэн: 1035 | Mongolian National Broadcaster |
Б.Баярсайхан
О.Шинэтуяа
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.