Үндэсний телевиз
Цагийн хүрд
Найм арваннэг
ОХУ-д коронавирусний халдварын батлагдсан тохиолдлын тоо нэг өдрийн дотор 165 мянгаар нэмэгдэж, нийт халдварын тоо 12 сая давсан тухай тус улсын цар тахалтай тэмцэх шуурхай штабаас мэдээлжээ.
Москва хотын дарга Сергей Собянин “Коронавирусээр эмнэлэгт хэвтэн эмчлүүлэгчдийн тоо 15 хувиар нэмэгдсэн” тухай мягмар гарагт хийсэн мэдэгдлийнхээ үеэр онцолжээ. Оросын эрх баригчид халдварын тохиолдол ихэссэн энэ үед аль болох хязгаарлалтын арга хэмжээг авч хэрэгжүүлэхгүй байж, хол хорио тогтоох саналыг удаа дараа няцаасаар байгаа юм.
Одоогоор тус улсад коронавирусээр өвчилсөн иргэд долоо хоногийн турш өөрийгөө тусгаарлах ёстой гэсэн журам хэрэгжиж байна. ОХУ нэгдүгээр сараас эхлэн 12-17 насны хүүхдүүдийг дотооддоо үйлдвэрлэсэн бага тунтай “Спутник М” вакцинаар дархлаажуулж эхэлсэн.
Өнөөдрийн байдлаар 146 сая хүн амтай тус улсын тал хувь нь л бүрэн вакцинжуулалтад хамрагдаад байна.
| ОХУ-д бүртгэгдсэн халдварын тохиолдлын тоо өссөн хэвээр байна | ||
| Үзсэн: 556 | Mongolian National Broadcaster |
Б.Баярсайхан
О.Шинэтуяа
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.