Их Британийн Хатан хаан хоёрдугаар Элизабетийн Платинум ойн жилийн албан ёсны эхлэлийг тохиолдуулан даваа гарагт Лондон, Эдинбург хотуудад буун дуугаар мэндчилгээ дэвшүүллээ. 

1952 оны хоёрдугаар сарын 6-нд 56 насандаа уушгины хорт хавдраар эцэг 6-р Жорж хаан нас барснаар түүний охин Элизабет Хатан хаан болсон түүхтэй. Лондоны Ногоон цэцэрлэгт хүрээлэнд Букингемийн ордны хажууд Уэльсийн харуулын хамтлаг үзэгчдийн дунд тоглож, Хааны цэргийн морин их бууны цэргүүд түүнд мэндчилгээ дэвшүүллээ.

"Сүүлийн 70 жилд нийгэм, технологи, соёлын хувьд ер бусын ахиц дэвшил гарсан нь бид бүгдэд ашиг тусаа өгсөн" гэж өдгөө 95 настай Хатан хаан хэллээ. Хатан хаан 21 насны төрсөн өдрөөрөө бүх амьдралаа Их Британи болон Хамтын нөхөрлөлийн төлөө зориулна гэж амласан амлалтаа ахин дахин төрийн тэргүүний албыг үргэлжлүүлэх бодолтой байгаагаа илэрхийлсэн.

Хатан хаан мөн ойн баярынхаа эхэнд ханхүү Чарльзийн эхнэр Камиллаг хааны гэр бүл гэж хүлээн зөвшөөрч, "Хатан хатан" хэмээн алдаршуулахыг хүсч байгаагаа илэрхийллээ.

"Тодорхой цаг хугацааны дараа миний хүү Чарльз хаан болно. Тэр үед түүний эхнэр Камилла Чарльз ханхүүд үнэнч эхнэр нь болж алдаршаасай гэж чин сэтгэлээсээ хүсэж байна” гэж Хатан хаан хэллээ. 

Баярын арга хэмжээнд цэргийн жагсаал, хурдан морины уралдаан, хөршүүдийн үдэшлэг зэрэг болно. Мөн зургаадугаар сарын 2-5-ны хооронд ойн баярын өдрүүдэд хэрэглэх шинэ амттан бүтээх уралдаан зарлажээ.