Европын холбооны эрх баригчид цар тахлыг хумих зорилгоор хязгаарлалтын арга хэмжээг авсаар байна. Хамгийн сүүлд л гэхэд ирэх гуравдугаар сараас эхлээд холбооны бүс нутагт нэвтрэх аливаа гадны иргэн "Ковид-19" вакцинд хамрагдсан хүмүүсийг хилээрээ нэвтрүүлэх тухай аялал жуулчлалын шинэчилсэн журмыг гаргаснаа зарлалаа.

Үүний зэрэгцээ ирэх оны нэгдүгээр сараас вакцины хүчинтэй хугацааг 9 сар байхаар тооцохоос гадна вакцины нэмэлт тунтай байх тухай ч шинэчилсэн журамдаа тусгажээ. Өөрөөр хэлбэл, Европын холбооны хилээр нэвтрэх тухайн аялагч нь  9 сарын дотор вирусний эсрэг вакцинд хамрагдсан байх тухай тодорхой зааж өгсөн байна.

Мөн гишүүн орнууд Европын холбооноос зөвшөөрөл аваагүй боловч Дэлхийн эрүүл мэндийн байгууллагаас зөвшөөрөлтэй вакцинд хамрагдсан иргэдэд хилээ нээх саналтай байна. Гэхдээ ийм аялагчдын хувьд хилээр нэвтрэхдээ заавал вирусний шинжилгээ өгсөн байх шаардлагыг тавьж байна. Шинжээчид Европын холбооны орнууд хязгаарлалтаа чангатгаж байгааг дахин халдварын шинэ давлагаа үүсэхээс сэргийлж байна гэж харж байна.