Арван таван сая гаруй хүн амтай Гуанжоу хотын эмнэлэг төрөл бүрийн ухаалаг технологиуд, тэр дундаа энэхүү 5G сүлжээнд холбогдсон түргэн тусламжийн машиныг ашиглаж байгаа аж.

Түргэн тусламжийн машин нь гаднаасаа энгийн адилхан харагдах боловч дотор талдаа 5G-д холбогдсон эмнэлгийн төхөөрөмжүүдтэй. 5G нь технологийг эмнэлгүүдэд ашиглах нь олон тооны ухаалаг төхөөрөмжийг нэгэн зэрэг интернетэд холбож, мөн өвчтөнд оношилгоо хийхэд  ч хялбар болгожээ.

Эмнэлгийн төхөөрөмжүүд болон камераар тоноглогдсон түргэний машинд, өвчтөнийг  эмнэлэг рүү явж байх үедээ шууд оношлоод, эмнэлэгт ирсэн даруйд нь  шууд эмчилгээгээ эхлүүлэх боломжийг олгожээ. Мөн 5G технологид холбогдсон түргэн тусламжийн машины ачаар өвчтөн эмнэлэгт ирээд хагалгаа хийлгэх хүртэлх ихээхэн цаг хугацааг хэмнэдэг аж.