Зохиолч, яруу найрагч, сэтгүүлч Элжигэн овогт Сосорбарамын Дашнямын уран зохиолын зургаа дахь туурвил, хоёр дахь түүхэн роман болох “ХАР АВГАЙ”  бүтээл нь өнгөрсөн нийгмийн үзэл санаанд үл нийцэх ярьж хэлэлцэж, бичиж туурвиж болдоггүй хориотой сэдэв, хаалттай хүрээллийн амьдралын тухай өгүүлдэг байна.

Тэгвэл энэ ном нь худалдаанд гарч эхэлсэн бөгөөд монгол газар шороон дээр амьдарч, нэг улс гэрийн үр хүүхэд мэт амьдралын хатуу бэрхийг даван туулж, гэрэлт ирээдүй өөд бусдыг уриалан өвөр эгнээнд явсан өөр үндэс угсааны тухайлбал, орос гаралтай иргэдийн тухай, мөн Орос, хятадын тухайн цаг үеийн их гүрний улс төрийн бодлогын үүлэн чөлөөнд жирийн хүмүүс ямар шүү аж төрж, сэтгэж, бүр яаж хайрлаж дурлаж байсныг он цагийн элгэнд нь болж буйгаар нь өнөөдрийн уншигчдад улаачлан авч иржээ.