Өнөөдөр баруун болон төвийн нутгаар, маргааш нутгийн зүүн хэсгээр цас орж, цасан шуурга шуурч, ихэнх нутгаар хүйтний эрч   чангарахыг анхааруулж байна.

2014 оны 01 дүгээр сарын 06-ны 08 цагаас 20 цаг хүртэлх цаг агаарын урьдчилсан мэдээ:

Ихэнх нутгаар   үүлэрхэг. Баруун зүгийн нутгийн зүүн хэсэг, Төв зүүн зүгийн нутгийн зарим   газраар бага зэргийн цас орж, зөөлөн   цасан шуурга шуурна. Салхи баруун хойноос секундэд 6-11 метр, Алтайн салбар уулс, Говь   талын нутгаар секундэд түр зуур 16-18 метр хүрч ширүүснэ. Хүйтэрч Их   нууруудын болон Дархадын хотгор, Хүрэн бэлчир, Идэр, Тэс   голын сав газраар 22-27 хэм, Ерөө, Туул, Тэрэлж, Хэрлэн, Онон, Улз,   Халх голын сав газраар 16-21 хэм, Дорнод Монголын болон Дарьгангын тал   нутгаар 8-13 хэм, Говийн бүсийн өмнөд хэсгээр 1-6 хэм, бусад нутгаар 13-18   хэм хүйтэн байна.

2014 оны 1 дүгээр сарын 7-ноос 1 дүгээр сарын 11-нийг хүртэлх цаг агаарын урьдчилсан төлөв:

7-нд нутгийн зүүн хэсгээр цас орж, салхи говь талын нутгаар секундэд 12-14 метр хүртэл ширүүсч цасан шуурга шуурна. Ихэнх нутгаар хүйтэрч Их нууруудын болон Дархадын хотгор, Хүрэн бэлчир, Идэр, Тэс, голын сав газраар шөнөдөө 37-42 хэм өдөртөө 25-30 хэм, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын сав газраар шөнөдөө 29-34 хэм, өдөртөө 21-26 хэм, говийн бүс нутгийн өмнөд хэсгээр шөнөдөө 18-23 градус, өдөртөө 8-13 хэм, бусад нутгаар шөнөдөө 25-30 хэм, өдөртөө 14-19 хэм хүйтэн байна. Хугацааны сүүлчээр өдөртөө хүйтний эрч бага зэрэг суларна.