Өвлийн улиралд дэлхийн олон улс оронд цас, мөсөн урлалын фестивалиуд зохион байгуулагддаг бөгөөд Япон, Саппоро, Норвеги, Квебек болон Харбин хотууд хамгийн том, хамгийн алдартай цасны баярыг зохион байгуулдаг байна. Тэгвэл өчигдөр Японы Хоккайда арлын Саппоро хотноо дэлхийн хамгийн томд тооцогдох цасны баяр нээлтээ хийлээ.

Анх 1949 оноос эхлэн  жил бүр уламжлал болгон зохион байгуулагдаж ирсэн бөгөөд уламжлалынхаа дагуу тус хотноо 68 дахь удаагийн цас, мөсөн урлалын фестивал албан ёсны нээлтээ хийлээ.  Цасны наадмын хүрээнд, нийт 200 гаруй цас, мөсөөр урласан аварга том бүтээлүүдийг үзэгчдийн хүртээл болгож байгаа аж. Тухайлбал, дэлхийн хамгийн том дааман хаалга хэмээн нэрлэгддэг Триумфийн аркийг 17 метрийн өндөртэйгээр урлан бүтээжээ. Түүнчлэн 40 жилийн ой нь энэ жил тохиож байгаа бидний сайн мэдэх оддын дайн киноны баатрын баримлыг босгожээ.

Мөн АНУ-ын шинэхэн ерөнхийлөгч Дональд Трампийн баримал ч энд байна. Зохион байгуулагчдын хэлж байгаагаар, цас мөсөн баримлуудыг барихын тулд нийт 35 тонн цасыг ашигласан байна. За уг фестивалийг үзэж сонирхохоор дэлхийн өнцөг булан бүрээс 2 сая жуулчид ирдэг гэсэн тооцоо байдаг. Саппоро хотын 68 дахь удаагийн цасны наадам энэ сарын сүүлч үе хүртэл үргэлжилнэ.

---

	Японы Саппоро хотод цасны баяр эхэллээ
Үзсэн: 2556	Mongolian National Broadcaster